ბუტრანა

ქართულ ტრადიციულ ყველთან ერთად, საწარმოში შეგიძლიათ დააგემოვნოთ ევროპული და ქართული ტექნოლოგიებით დამზადებული ნახევრად მაგარი და მაგარი ტიპის დამწიფებული ყველი:

•  სულგუნი
• იმერული ყველი
• საფერავში დავარგებული მაგარი ყველი
• რქაწითელში დავარგებული მაგარი ყველი
• პიტნასა და სუნელებში დავარგებული ყველი

წინასწარი მოთხოვნით,  მსურველებს შეუძლიათ დაესწრონ ყველის ამოყვანის მასტერკლასებს და  მენიუდან შერჩეულ კერძებთან ერთად, დააგემოვნონ საკუთარი ხელით დამზადებული თუ საწარმოს საცავში არსებული ყველის ნაირსახეობები.

ტიბაანი ერთ-ერთი ისტორიული სოფელია კახეთის რეგიონში. იგი გომბორის ქედის სამხრეთ-აღმოსავლეთით, ალაზნის ველზე მდებარეობს.

სოფელი მდიდარია ბუნებრივი კლიმატური ლანდშაფტითა და ისტორიულ-კულტურული ძეგლებით. ხირსის მონასტერი, რომელიც წმინდა ასურელ მამა სტეფანეს დაუარსებია, სოფლის მთავარი სიმბოლოა. ტიბაანის ძველი სახელწოდება - „ხირსა-ც“ ამ მონასტრის ისტორიას უკავშირდება.

საწარმოში ვიზიტისას, შეიძლება მოინახულოთ აქვე მდებარე სხვა ღირშესანიშნაობებიც:

• ივრის აღკვეთილი
• ქილაკუპრას ტალახის ვულკანები
• ბოდბის მონასტერი
• ხირსის მონასტერი
• საბერეები - ბერების სერი

ვაქირის იოანე ნათლისმცემლის ეკლესია